عيدك مبـارك يابعدكـل غالـي

من طرف ???? الأحد سبتمبر 28, 2008 5:14 pm

أجمل تهاني العيد لي جات منّك
وأجمل شعور أني حبيبك من الناس

ويش يذبح العذّال بي غير أنّك
تلمس شعوري وينسكب عطر وألماس

خلّي العذول اللي حكى أمس عنّك
يعرف غلاتك في قصيدي وْ الأنفاس

يا غايتي في الناس لا هان فنّك
لولا جمالك ما زهى حرف الأطراس

عايدتني بالعيد يا عيد ..كنّك
أهديتني عمــــــــر ٍ بلا حد وْقياس

ولو شفتني فرحان هذا لأنّك
أنته حبيبي يا دفا نبض الأحساس

وين الفرح بالعيد لولاك ظنّك؟
عيدي بلا لقياك حزن ٍ وأتعاس

أجمل تهاني العيد لي جات منّك
لا شك لأنك غايتي دون هالناس

•°°°••°°°•

بأقول لك {عيدك سعيد} من الحين
عقبال ما شوفك وأصافح يمينك

وإن قلت لي بدري بأقول غالين
اخاف ما تسبق يديني يدينك

عيدك سعيد ودامت افراحك سنين
ودايم مناي الله يطول سنينك

•°°°••°°°•

العيد قرب والحبايب بعيدين
غير الرسايل مالنا اليوم حيله

كل عام وانت بخير يانور العين
اقول عيدك سعيد ومبارك بليله

•°°°••°°°•

فرحة الأعياد بشوفك تكتمل
وانت عيد القلب يومه يحتويك

وش يفيد القول وترتيب الجمل
دام كل حروف حبي تنتخيك

والرسايل بيننا همزة وصل
وعيدك مبارك عسا الفرحة تجيك

والكواكب دايرة دورة زحل
والقمر طالع بنوره يحتريك

•°°°••°°°•

بأقول لك (عيدك مبارك)من الحين
وكل عام وانت بخير وصحه وسلامه

وإن قلت لي بدري بأقول غالين
أخاف احد يسبقني ويعايدك بكلامه

عيدك سعيد ودامت افراحك سنين
ودايم مناي الله يسعده وينور ايامه

•°°°••°°°•

أحس قدوم العيـد صار شي عادي
كل مره يـجـي العيـد ولا أدري

لكن هالمـره العيـد ماهـو عادي
لعيـد هالمـره معاهـا بعد عمري

هي فرحتي وصرختي وكل أعيـادي
هي دمعتي وسهـرتي وليلي وفجري

هي حفلتي ورحلتي و عيد ميـلادي
هي كلمتي ونظرتي و مالكـة أمري

هي قريتي وديرتـي و كل بـلادي
هي لحظتي ونصيبي وحظي وقـدري

الناس يعيدون وأنـا واياها بـوادي
أنا عيدي معاها يبتدي من بـدري

العيد عند الناس تهـاني و عـوادي
أما أنا عيدي وحضنها على صدري

حلاوة عيدي بوسه لخدها الهـادي
ليت العيد معاها يوقف ولا يجـري

فديت عيدها بروحي ودم فـؤادي
أبيع باقي سنيني بس عيدها أشـري

أهنـي العيـد بقدومهـا وأنـادي
كل عام والعيـد بنورها يسـري

•°°°••°°°•

عيدك والفرح كل الاعياد
قوافل الإسعاد يمك مواريد

عيديتي لك يابن الاجواد تنقاد
أصايل ٍ في حوض جودك مواريد

وعيديتي للربع من غير تعداد
عيدية ٍ بالشعر والشعر تحديد

عسى لكم بالعيد فرحات وإسعاد
ويشمل دعائي كل هاك الاجاويد

•°°°••°°°•

للناس عيـــد وانتي يا بنت عيـدي
كتبتها والعيـد طاري لذكراك

كتبتـهـا مـن دم قلبي ووريـــدي
لجل الخفوق اللى تناسى ما ينساك

أنتي لي اقرب من حــروفي لقصيدي
أنتي دفى روحي لمسته بيمناك

لولاك مـاكنت بزمــاني سعيــدي
لولاك ما افرح مع الـنـاس لـولاك

للناس عيد وأنا عــــيدي بعــيدي
فاقد لك البسمة وفــاقد حــلايـاك

ما غير أبي اصبر والمواجع تزيدي
أقاسم الفرقا صبــر واتحراك

•°°°••°°°•

عيدك مبـارك يابعدكـل غالـي
وياجعل عمرك دايـمٍ دوم افـراح

العيد يوم انـي عرفتـك صفالـي
واصبحت من بد المخاليق مرتاح

العيد مادامـك معـي فهوحالـي
احلامن الشيره على الريق ياصاح

•°°°••°°°•

يا ساعة الفرحه تشوقت للعيد
عيد العيون وعيد قلب الصبابه

رد الجمال لشوفتي يا اتلع الجيد
واسحب على حرفي لحون الربابه

حرفي بصوتك يا اجمل الصوت تغريد
يا رمز حبي هاك رمز الكتابه

يا صبح عمر فيك للعمر تجديد
وحبك يجدد كل يوم شبابه

للعين والقمرا وحسنك مواعيد
وليل الهوى شرع للأحباب بابه

ياما زعجت الصوت باسمك تراديد
وياما نسيم الوجد يمك سرابه

وياما تمنيتك على باقي الغيد
واقول مثلك يا غلا الروح ما به

ابيك تهوى مثل ما اهواك وتزيد
يا من خفوق القلب حسنك غدا به

يا قطرة الغيمه على يابس البيد
رد الحياة لخافقي يا ذهابه

أرق تحيه ..
مدريدي ..!
وكلـ عام وأنتم بألفـ خير

من طرف **Admin** الأحد سبتمبر 28, 2008 5:19 pm

مشكووووووووووور...

عيدك مبـارك يابعدكـل غالـي

عيدك مبـارك يابعدكـل غالـي

رد: عيدك مبـارك يابعدكـل غالـي